A passion mia iera pissar sue piante grasse,

parché e me sbusea el baeon co le tochea

el supertele par proprio che el ghe mirasse

iera come vedar el baeon che el se suicidea.

E pissa uncuo pissa doman pianin pianpian

te veda sta pianta che tuta a se sgionfea

che prima a vegnea zaea e senza far baccan

a moria, e a mama proprio no si n'acorzea.

Dopo ho conossu 'na tosa col mome da fior

che a moeà par ocio dopo do, tre ani,

a ma fat cambiar passion, me piasea l'amor

ma sul cuor come a tempesta l'ha fat maeani,

cussì adess a zente dise che soe murazioe

l'é un vecio pesson che va a pissar soe vioe.